"Azərbaycan Xəzər Dəniz Gəmiçiliyinin müasir, beynəlxalq standartlara cavab verən və çevik bir şirkətə çevrilməsi üçün qarşıya qoyulan vəzifələr donanmanın yeniləşdirilməsi prosesini, eləcə də Qara dəniz-Aralıq dənizi hövzəsində istismar edilən gəmilərin sayının artırılmasını qaçılmaz edir".
Bu barədə "Xəzər Dəniz Gəmçiliyi" QSC-dən "Report"a daxil olan məlumata bildirilib.
Beynəlxalq sularda işləmək üçün 6 ədəd quru yük gəmisinin alınması barədə qərar qəbul edilib. Onlardan 3-nün aprelin 11-də, digər 3 gəminin isə ayın sonuna qədər Gəmiçiliyə təhvil verilməsi planlaşdırılır.
Qeyd edək ki, 5 500 ton dedveytə malik bu gəmilər Rusiyada inşa edilib, 2014-cü ildə alınan və indi Qara dənizdə istismar olunan "Natəvan” və "Üzeyir Hacıbəyli” gəmiləri ilə eyni layihədəndir. Hazırda yeni alınan gəmilərin heyətləri formalaşdırılır.
www.ann.az
Bizi sosial şəbəkələrdə izləyin !
