Azərbaycan - Ermənistan müharibəsinin yeni cəbhəsi

Siyasət

10:01 | 23.09.2017

Azərbaycan - Ermənistan müharibəsinin yeni cəbhəsi

Azərbaycan Bakı-Tiflis-Ceyhan (BTC) neft kəmərinin müdafiəsi üçün İsrail istehsalı "Dəmir Qübbə” raketdən müdafiə sistemlərinin yerləşdirilməsinə başlayb. İstiPress-in məlumatına görə, bu barədə Gürcüstanın "Rezonansi” nəşri yazıb. Xəbəri öz mənbələrindən aldığını iddia edən nəşr İsrail silahlarının Bakı və Gəncədə yerləşdiriləcəyini vurğulayıb.

"Bunun əsas səbəbi Ermənistanın Rusiyadan "İsgəndər” raket sistemlərini almasıdır”,- deyə nəşr vurğulayıb.

"Dəmir Qübbə” idarə olunmayan taktiki raketlərdən qorunmaq üçün nəzərdə tutulur. Hər bir batareya 150 kvadrat kilometr ərazini qoruya bilir. İsraildə ilk batareya 2011-ci ilin mart ayından başlayıb, 2014-cü ilin iyul ayına ölkə üzrə 9 batareya döyüş növbəsinə başlayıb. 2014-cü ilin sonuna "Dəmir Qübbə” tərəfindən 1200 raket vurulub.

Yəni sistemin effektivliyi və BTC-nin müdafiəsinə ciddi dəstək verəcəyi aydındır. Qeyd edək ki, Ermənistanda Azərbaycanın strateji obyektlərinə zərbələr endirilməsi barədə çağırışlar tez-tez səslənir. 2016-cı ilin aprel ayında Ermənistan ordusunun 30-a yaxın tankla Tərtər istiqamətində hücumu da bununla bağlı idi.

Ermənistan BTC-ni və Cənub Qaz dəhlizini ələ keçirdikdən sonra, onun strateji müttəfiqi Rusiya bundan Qərbə təzyiq üçün istifadə edəcəkdi. Amma Azərbaycanın əks-hücumla Ermənistan ordusunu darmadağın etməsi buna mane oldu. Bundan sonra Rusiya Ermənistana "İsgəndər” raketlərini yerləşdirməyi qərara aldı. Ermənistan isə "İsgəndər” raketlərindən mütəmadi olaraq Azərbaycanı hədələmək üçün istifadə edir.

Çingiz Rüstəmov / İstiPress

www.anews.az

Bizi sosial şəbəkələrdə izləyin !