Azərbaycan Respublikasının Prezidenti cənab İlham Əliyevə

Hüquq Müdafiə Təşkilatları  Monitorinq Qrupunun üzvləri Novella Cəfəroğlu, Səidə Qocamanlı və Səadət Bənanyarlı Jurnalist Şahnaz Bəylərqızının səhhətində mövcüd olan problemlər ilə bağlı narahatlıq bildirərək ,Azərbaycan Respublikasının Prezidenti İlham Əliyevə müraciət edib.

Jurnalist Şahnaz Bəylərqızı  2025-ci il fevralın 5-də "Toplum TV" işi üzrə saxlanılıb və Xətai Rayon məhkəməsi 3 ay 15 gün müddətinə barəsində həbs qətimkan tədbiri seçib. O, beyin şişi, şəkərli diabet, hipertoniya kimi ağır xəstəliklərdən əziyyət çəkir. İstintaq və məhkəmə gedişində dəfələrlə onun vəziyyəti ağırlaşıb və təcili tibbi yardım xidmətinin əməkdaşları çağırılıb. Hazırda da o, Kürdəxanı İstintaq Təcidxanasının tibbi hissəsində saxlanılır və həkim nəzarəti altındadır. Onu da qeyd edək ki, jurnalistin himayəsində iki azyaşlı övladı var.

«Hörmətli cənab Prezident, Biz dəfələrlə Sizin bizim müraciətlərə diqqətlə yanaşdığınızın və humanist münasibətinizin şahidi olmuşuq. Bunu və yuxarıda qeyd etdiklərimizi nəzərə alaraq jurnalist Şahnaz Bəylərqızının ev dustaqlığına buraxılmasına dəstək olasız», - deyə müraciətdə vurğulanır.

Mütəciəti hüquq müdafiəçiləri Novella Cəfəroğlu, Səidə Qocamanlı və Səadət Bənanyarlı imzalayıb.

Onlar Azərbaycan Respublikasının Birinci Vitse-prezidenti Mehriban Əliyevaya da müraciət ediblər.