Aparılan monitorinqlərə əsasən, Azərbaycanda 2022-ci ilin 11 ayında 71 qadın qətlə yetirilib. Bunu"Təmiz Dünya” Qadınlara Yardım İctimai Birliyinin sədri Mehriban Zeynalova Oxu.az-a açıqlamasında bildirib.
"Qadınlardan 34-ü həyat yoldaşı, altısı qardaşı, üçü oğlu, dördü atası, üçü keçmiş həyat yoldaşı, beşi sevgilisi, dördü qohumu, biri nişanlısı və 11-i qeyri-müəyyən şəxs və ya şəxslər tərəfindən öldürülüb”, - o deyib.
"Qadınların partnyorları və ya qohumları tərəfindən qətlə yetirilməsi ilə bağlı artan böhran kimi görünən bir vəziyyətdə, qurbanlar sığınacaq yerinin olmaması və polisin qeyri-adekvat reaksiyası səbəbindən tez-tez sui-istifadədən xilas ola bilmir. Təkcə iyul ayında jurnalistlər beş qadının partnyorları tərəfindən qətlə yetirildiyini bildiriblər”, - hesabatda deyilir.
Human Rights Watch təşkilatının 2021- ci il hesabatına görə, Azəbaycanda öncəki iki il ərzində qadınlara qarşı 14 975 cinayət faktı qeydə alınıb. (2019-cu ildə 5706, üstəgəl 2020-ci ildə 5176 və 2021-ci ilin yanvar-sentyabr aylarında 4093).
O cümlədən, Qadınlara qarşı zorakılıqla bağlı 6091 iş (2019-cu ildə 2269, üstəgəl 2020-ci ildə 2067 və 1755-i Yanvar-sentyabr 2021). 6 834 cinayətkar mühakimə olunub (2019-cu ildə 2 480, üstəgəl 2020-ci ildə 2414, 2021-ci ilin yanvar-sentyabr aylarında 1940). Ümumilikdə, ölkədə qısqanclıq, ailə münaqişəsi və digər məişət problemləri səbəbilə bu müddətdə 2955 cinayət törədilib (2019-cu ildə 1026, üstəgəl 2020-ci ildə 973 və2021-ci ilin yanvar-sentyabr aylarında 956).
Amnesty International təşkilatı da 2022-ci ilin noyabr ayında CESCR qadınlara qarşı gender əsaslı zorakılığın yüksək halları və xüsusilə də məişət zorakılığı ilə bağlı hesabatlarında çox aşağı nisbəti və sağ qalanlar üçün sığınacaqların və dəstək xidmətlərinin məhdud olması ilə bağlı narahatlıqlarını qeyd edir.
Lida Abbaslı
www.anews.az
Bizi sosial şəbəkələrdə izləyin !
