Bunu prezident İlham Əliyev "Sputnik”ə müsahibəsində bildirib.

Ölkə başçısı bildirib ki, Azərbaycan kifayət müasir silahlar alır: "Bizim Pakistandan da silah almaq niyyətimiz var. Pakistanın hərbi sənayesi olduqca inkişaf edib və Pakistan bizə dost və müttəfiq ölkədir. Lakin bu məsələdə bizim ən əsas tərəfdaşımız Rusiyadır. Səhv etmirəmsə, Rusiya ilə təxminən beş milyard dollar dəyərində müqavilələr imzalanıb ki, bu müqavilələrin böyük əksəriyyəti realizə olunub. Yəni, bu gün Azərbaycan ordusunda olan silahların əksəriyyəti Rusiya istehsalıdır. Biz bu əməkdaşlıqdan razıyıq və Rusiya silahının ciddi alıcılarından biriyik, ölkələr üzrə vəziyyətə nəzər salsaq, əməkdaşlıq səviyyəsi yaxşıdır. Lakin bizim başqa yerlərdən silah almağımız təbiidir”.