Azərbaycanda həkim döyüldü

Azərbaycanda keçirilən realiti-şounun iştirakçısı həkimi döydü Bölmə : CəmiyyətYayım tarixi : Bu gün [10:47]Baxılıb : 500 dəfə
Şəki Mərkəzi Rayon Xəstəxanasında dava olub.

Hadisə şahidlərinin APA-ya verdiyi məlumata görə, mayın 8-i axşam saatlarında Şəki Mərkəzi Rayon Xəstəxanasına müayinəyə gələn, 1990-cı il təvəllüdlü Mərdan Akif oğlu Mustafayev onu müayinə edən həkim, 1973-cü il təvəllüdlü Nəsrullah Ziyəddin oğlu Beydullayevi döyüb.
 
Şəki Mərkəzi Rayon Xəstəxanasından APA-ya faktı təsdiqləyiblər. Bildirilib ki, döyülən həkim Nəsrullah Beydullayev xəstəxananın reanimasiya şöbəsinin həkimidir. Ona qapalı kəllə-beyin travması, burun sümüyünün sınığı diaqnozu qoyulub.
 
Qeyd edək ki, həkimi döyən Mərdan Mustafayev "ARB" telekanalında yayımlanan "Ferma" verilişinin iştirakçısı olub.
www.ann.az