"16 yaşlı Fatimənin toyunda polisə məlumat vermişdik" - İDDİA - AÇIQLAMA

 Masallıda öldürülən 16 yaşlı Fatimənin ölümü ilə bağlı yeni fakt ortaya çıxıb.

 

Anews.az xəbər verir ki, meydan tv-yə müsahibə verən Masallı rayon Həsənli kəndinin icra nümayəndəsi Vəzir Hüseynov bildirib ki, "Fatimə Qəmbərovanın qız toyu olan vaxtı bizə məlumat daxil oldu. Biz də bu barədə polisə məlumat verdik". 

 
Məsələni dəqiqləşdirmək üçün Daxili İşlər Nazirliyinin cənub bölgəsi üzrə mətbuat katibi Məhəmməd Rzayevlə əlaqə saxladıq.

 

O, bildiridi ki, bu məsələni hal-hazırda prokurorluq araşdırdığı üçün heç bir məlumat vermək mümkün olmayacaq.

 

Məhəmməd Rzayev onu da qeyd etdi ki, ölən gəlinin 16 yaşı yox, 17 yaşı olub. 

Qeyd edək ki, Fatimə Rzayeva 23.08.2003 il tarixində doğulub.

 

Ailə məcəlləsinin 10-cu maddəsinin (nikah yaşı)

 10.1. Azərbaycan Respublikasında nikah yaşı 18 yaş müəyyən olunur.