Mühafizəçilər müştərini amansızcasına döydülər - VİDEO

Moskva vilayətinin Odintsovo rayonunda mağazalardan birinin mühafizəçiləri müştərini amansızcasına döyüblər.

Ren.tv hadisəni mobil telefonuna çəkən şahidə istinadən xəbər verir ki, müştəri içkinin təsiri altında olub. O, supermarketin daxilində digər müştəriyə sataşıb, lakin mühafizəçilər hadisəyə müdaxilə etməyiblər. Daha sonra münaqişənin səbəbkarı küçəyə çıxarılıb və o, etdiyi əmələ görə üzr istəyib.

Qısa müddət sonra isə supermarketin beş mühafizəçisi kişiyə hücum edərək onu döyməyə başlayıb. Hadisə şahidləri polis çağırıblar.

 

Baş verən münaqişənin səbəbləri araşdırılır.