Qubada baş verən yanğın söndürüldü

Quba rayonu, Qarxun kəndində baş verən yanğın söndürülüb.

Bu barədə Quba Rayon Fövqəladə Hallar Komisiyyasından məlumat verib.

Qeyd olunub ki, yanğın zamanı 3 ev və 7 ailəyə məxsus ot tayası yanıb.

Fövqəladə Hallar Nazirliyinin (FHN) alovun söndürülməsi üçün əraziyə göndərdiyi 2 helikopterin, o cümlədən əraziyə cəlb olunan Quba Dövlət Yanğından Mühafizə Hissəsinin 2 yanğınsöndürən maşını və canlı qüvvəsinin köməkliyi ilə yanğın söndürülüb. Yanğın zamanı xəsarət alan olmayıb.