İtaliyada koronavirusa qalib gələn “bir nömrəli xəstə” danışdı: “Dünyada ən gözəl şey nəfəs ala bilməkdir”
29.05.2020 06:53
İtaliyada fevralın 20-də koronavirusa yoluxduğu məlum olan və xəstəliyə qalib gələn "bir nömrəli xəstə” ilk dəfə təəssüratlarını paylaşıb.
Sondakika.com xəbər verir ki, Lombardiyada yaşayan 38 yaşlı Mattia dünyada ən gözəl şeyin nəfəs ala bilmək olduğunu deyib:
"Mənə 18 gün reanimasiya şöbəsində yatacağımı dedilər. Sonra isə yoluxucu xəstəliklər şöbəsində müalicə aldım, burada real dünya ilə ilk təmasımı qurdum və həyatda ən sadə, lakin ən gözəl şey olan nəfəs almağa başladım”.O, müalicə edilə bildiyi üçün çox şanslı olduğunu deyib və dünyaya gələcək körpəsinin yolunu gözlədiyini bildirib.
O, aktiv sosial həyatı olduğu üçün "virusu super yayan” olaraq tanınıb.
Mattia fevralın 18-də qrip əlamətləri ilə xəstəxanaya müraciət edib. Ona koronavirus testi edilməyib və xəstəxanada yataraq müalicə olunması təklif edilsə də, evinə qayıdıb.
Ertəsi gün ağır vəziyyətdə xəstəxanaya yerləşdirilən kişidə koronavirus müəyyən edilib. Bundan sonra həmin xəstəxanada işləyən tibb işçilərinin də virusa yoluxduğu məlum olub.
Mattianın atası koronavirusdan həyatını itirib, hamilə arvadı isə bir neçə gün xəstəxanada müalicə edildikdən sonra evə buraxılıb.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
