“28 Mall”da müştərinin pul kisəsi oğurlandı

Bakıda bir müddət əvvəl ticarət mərkəzindən oğurluq edən şəxs saxlanılıb.
 
Anews.az-ın xəbərinə görə, hadisə paytaxtın Nəsimi rayonu ərazisindəki "28 Mall” ticarət mərkəzində baş verib.
 
Martın 9-da naməlum şəxs mərkəzdəki mağazaların birində paltar dəyişmə otağından müştəriyə məxsus, içərisində 516 manat olan pul kisəsini oğurlayıb.
 
Nəsimi Rayon Polis İdarəsinin 22-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinənə Qubadlı rayon sakini, əvvəllər Cinayət Məcəlləsinin 177-ci (oğurluq) və 234-cü (narkotik vasitələrin qanunsuz dövriyyəsi) maddələri ilə məhkum olunmuş, 1981-ci il təvəllüdlü T.Talıbzadə saxlanılıb.
 
Faktla bağlı araşdırma aparılır.

www.anews.az