Ramin Bayramlıdan metrodakı hadisəyə münasibət

""COVID-19” infeksiyasının sürətlə yayıldığını nəzərə alaraq, ölkəmizdə aparılan eks-epidemik tədbirlərə dəstək olmaq hər bir vətəndaşın sosial məsuliyyətidir”.

Bunu TƏBİB-in İdarə Heyətinin sədri Ramin Bayramlı "Qafqazinfo”ya metroda baş verən mübahisəyə münasibət bildirərkən deyib. O, bildirib ki, qaydalara riayət etmək hər kəsin borcudur: "Koronavirusdan qorunmaq üçün Nazirlər Kabineti yanında Operativ Qərargahın maska istifadəsi və fiziki məsafə saxlamaqla bağlı qərarı, xüsusilə qapalı məkanlarda vətəndaşlar tərəfindən icra edilməlidir. Bura ictimai nəqliyyat, ictimai iaşə müəssisələri, iş yerləri və s. məkanlar aiddir. 

Dövlətimizin koronavirusa qarşı həyata keçirdiyi profilaktik və maarifləndirmə tədbirlərinə baxmayaraq, əsasən, ictimai nəqliyyatda, dayanacaqlarda, kafe və restoranlarda maskadan istifadə edilmir və fiziki məsafə qorunmur. 

TƏBİB və aidiyyəti qurumlar tərəfindən vətəndaşların maarifləndirilməsi istiqamətində işlər davam etdirilir, şəhərin müxtəlif yerlərində, eləcə də ictimai nəqliyyatda maarifləndirici materiallar yerləşdirilir.