Gömrük Komitəsindən sahibkarlarla bağlı iddialara cavab
15.09.2020 12:04
"Ötən gün bəzi kütləvi informasiya vasitələrində Aksizli Mallar üzrə Baş Gömrük İdarəsində karantin qaydalarının kobud şəkildə pozulduğu və bu qaydaların pozulmasında idarə əməkdaşlarını günahlandıran yazılar dərc olunub. Eləcə də, guya avtomobil idxalı ilə məşğul olan sahibkarlara dolayı gömrük təmsilçiliyini həyata keçirən şirkətlərlə əməkdaşlıq etməmələri üçün qeyri-rəsmi göstəriş verildiyi iddia edilən, həqiqətə uyğun olmayan məlumatlar yayımlanıb.”
Anews.az xəbər verir ki, bu barədə Dövlət Gömrük Komitəsinin açıqlamasında qeyd olunub. Bildirilib ki, qapalı məkanlarda yoluxma riskinin daha yüksək olduğu nəzərə alınaraq vətəndaşlara sosial məsafəyə riayət etməklə binanın kənarında dayanmaları, növbə ilə Aksizli Mallar üzrə Baş Gömrük İdarəsinə daxil olmaları və rəsmiləşdirmə proseslərini həyata keçirilmələri tövsiyə olunur:
"Buna baxmayaraq yenə də bəzi sahibkarlar verilən tövsiyələrə əməl etməyərək məsuliyyətsiz davranırlar.
Məlum yazıda guya avtomobil idxalı ilə məşğul olan sahibkarlara dolayı gömrük təmsilçiliyini həyata keçirən şirkətlərlə əməkdaşlıq etməmələri üçün qeyri-rəsmi göstəriş verilməsi, hətta səsgücləndiricilərlə elan edilməsi iddiası isə gülüncdür.
Dövlət Gömrük Komitəsi bir daha bütün media qurumlarını məlumat yayımlayarkən diqqətli olmağa, həqiqətə uyğun olmayan, rəsmi təsdiqini tapmayan iddiaları dərc etməməyə çağırır”, - deyə məlumatda vurğulanıb.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
