Yol polisi sürücülərə və piyadalara müraciət etdi
24.12.2020 21:24
Daxili İşlər Nazirliyinin Baş Dövlət Yol Polisi İdarəsi hava şəraitinin kəskin dəyişməsi ilə əlaqədar sürücülərə müraciət edib.
İdarədən Anews.az-a daxil olan müraciətdə bildirilib ki, yollarda qəzaların və digər xoşagəlməz halların baş verməməsi üçün sürücülərin diqqətinə istifadə etdikləri nəqliyyat vasitələrinin texniki sazlığına diqqət yetirmələrinin vacibliyi çatdırılıb. Bəzi ərazilərdə qar yağması, yolların buz bağlama ehtimalının olması nəzərə alınaraq, belə hava şəraitində sürücülərə qış mövsümünə uyğun şinlərlə təchiz edilməmiş, eləcə də istismar müddəti çox olan, "ABS” əyləc sistemləri ilə təchiz edilməyən köhnə avtomobillərdən mümkün qədər az istifadə etmələri tövsiyə olunub.
Piyadalar isə ancaq səki ilə hərəkət etməklə avtomobil yollarına çıxmasınlar və yolları yalnız müəyyənləşdirilmiş yerlərdən keçsinlər.
Yol polisi bütün hərəkət iştirakçılarını özlərinin və digər şəxslərin həyat və sağlamlığına təhlükə yaranmaması üçün son dərəcə diqqətli olmağa, qaydalara riayət etməyə çağırır
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
