20 yaşlı Sevilin intiharından sonra yazışmaları yayıldı

Bakının Xətai rayonunda intihar edən 20 yaşlı Sevil Atakişiyevanın sosial şəbəkədə yazışmaları üzə çıxıb.


2019-2020-ci  ildə olan yazışmalarda Sevil ailəsi tərəfindən təzyiqlərə məruz qaldığını bildirib. Bundan başqa, Sevil yazışmalarda hər anının qorxu ilə keçdiyini, ailədə özünə qarşı hörmət olunmadığını və mütəmadi olaraq atdığı addımlara görə hədələndiyini bildirib.


Hadisə ilə bağlı Baş Prokurorluğun Mətbuat xidmətindən  bildirilib ki, yayılmış foto və məlumatlar üzrə Xətai rayon prokurorluğunda hərtərəfli araşdırmaların aparılması təmin ediləcək.


Azərbaycan Turizm və Menecment Universitetinin tələbəsi olan Sevil Atakişiyeva çoxmərtəbəli binanın 20-ci mərtəbəsindəki mənzilin eyvanından özünü ataraq intihar edib.