Bakıda ər arvadını bıçaqlayaraq öldürmək istədi
13.09.2021 09:49
Paytaxtın Binəqədi rayonunda yaşayan 25 yaşlı Təhminə Hüseynova əri Xalid Hüseynov tərəfindən bıçaqlanıb. Bu barədə rayon prokurorluğu məlumat yayıb.
Məlumata görə, hadisə sentyabrın 12-i saat 22 radələrində paytaxtın Binəqədi rayonu, Bağpark küçəsi, Zeytunluq massivində baş verib.
Aparılmış araşdırmalara görə, zərərçəkmişin əri Xalid Hüseynovun şəxsi münasibətlər zəminində aralarında yaranmış mübahisə zamanı qadına bıçaqla xəsarətlər yetirib. Xalid Hüseynovun arvadını qəsdən öldürməyə cəhd etməsinə əsaslı şübhələr müəyyən edilib.
Faktla bağlı Binəqədi rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd etmə) maddəsi ilə cinayət işi başlanıb.
Hazırda iş üzrə zəruri istintaq tədbirləri davam etdirilir.
www.anews.az
Telegram
Bizi Teleqramda izləyin
Foto
Video
