İran sərhədçiləri Azərbaycan vətəndaşını güllələyərək öldürüb- YENİLƏNİB

İran sərhədçilərinin sərhədi pozmaq istəyən Azərbaycan vətəndaşını güllələyərək öldürməsi faktı ilə bağlı Hərbi Prokurorluqda araşdırma aparılır.

 

Bu barədə  Azərbaycan Baş Prokurorluğunun Mətbuat Xidmətindən bildirilib.

 

***********

 

Mayın 16-da İran İslam Respublikasının sərhəd nümayəndəliyi xətti ilə Azərbaycan Respublikasının vətəndaşı Musayev Mircavad Mircəlal oğlunun İrandan Azərbaycan istiqamətində dövlət sərhədini pozmağa cəhd edərkən İİR sərhədçiləri tərəfindən silahın tətbiqi nəticəsində həyatını itirməsi barədə məlumat daxil olub.

 

DSX-dan, mayın 18-də mərhumun cənazəsinin prokurorluq orqanlarının nümayəndəsinin iştirakı ilə rəsmi qaydada qəbul edilərək ailə üzvlərinə təhvil verildiyi bildirilib.

 

Baş vermiş hadisənin araşdırılması və nəticələri barədə məlumat verilməsinə dair İİR tərəfinə müvafiq sorğu göndərilib.