"Azpetrol" Suqovuşanda səyyar yanacaqdoldurma məntəqəsi AÇACAQ
08.06.2022 15:11
"Azpetrol" şirkəti Suqovuşan kəndi ərazisində modul tipli səyyar yanacaqdoldurma məntəqəsi açacaq, bu barədə anews.az-ın sorğusuna şirkətin mətbuat katibi Ülviyyə Hüseynova elektron poct vasitəsilə verdiyi cavabda bildirib.
"Hazırda "Azpetrol” şirkəti tərəfindən Suqovuşan kəndi ərazisində modul tipli səyyar yanacaqdoldurma məntəqəsinin quraşdırılması gündəmdədir. İşğaldan azad olunmuş digər ərazilərdə həm səyyar, həm stasionar tipli yanacaqdoldurma məntəqələrinin planlaşdırması üzrə işlər davam edir", - mətbuat katibi bildirib.
"Azpetrol" şirkəti 1997-ci ildən fəaliyyət göstərir.
Hazırda şirkətin 91 yanacaqdoldurma məntəqəsi (YDM), 4 maye qazdoldurma məntəqəsi (QDM ), 4 STQ tipli (CNG) qazdoldurma postu (Sıxılmış təbii qaz), 1 LPG postu (Propan-Butan), 1 STQ tipli (CNG) terminalı və 17 elektromobillərin enerji ilə doldurulma postu fəaliyyət göstərir.
Yanacağın keyfiyyətinin yaxşılaşdırılması və məntəqələrin fasiləsiz yanacaqla təmin edilməsi məqsədilə, 1999-cu ildə "Azpetrol"un müasir standartlara cavab verən Neftbazası istifadəyə verilib. Hazırda şirkətdə 3200-dən çox işçisi var.
Gülnar Nazimqızı
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
