Yoxlama zamanı sahibkarlardan yığılan pullar büdcəyə keçirilsin - Deputat
04.05.2023 12:43
Sahibkarlardan yoxlama zamanı yığılan pullar dövlət büdcəsinə keçirilə bilər. Bunu deputat Məhşur Məmmədov mayın 4-də Milli Məclisin iqtisadiyyat və siyasət komitəsinin iclasında "Sahibkarlıq sahəsində
aparılan yoxlamaların tənzimlənməsi və sahibkarların maraqlarının müdafiəsi
haqqında” qanunun müzakirəsi zamanı deyib.
"Sahibkarlar vergiləri ödəməyə maraqlıdır. Bu onların faəlliyətinə birbaşa maraqlıdır. Elə olmalıdır ki, yoxlama aparan qurum cəzalandırıcı deyil, məsləhətverən qurum olmalıdır. Təklif edirəm ki, yoxlamalar zamanı yığılan pullar dövlət büdcəsinə keçirilsin", - deputat bildirib.
Məmmədov bəzi yoxlamaların illərlə davam etməsini də tənqid edib və bildirib ki, bu bir ay müddətində yekunlaşa bilər.
Komitə sədri Tahir Mirkişili millət vəkilinə cavab olaraq bildirib ki, bəzi yoxlamarın uzanmasının səbəbi onların elektronlaşmaması ilə bağlıdır. Sədr vurğulayıb ki, hazırda Azərbaycanda yalnız 65% sahibkarın fəliyyəti elektronlaşıb.
Azərbaycanda 2015-ci ildən sahibkarların yoxlanılması prosesi qanunla dayandırılmışdı.
Gülnar Nazimqızı
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
