“Azəriqaz”ın əhali abunəçilərinin sayı açıqlanıb
20.10.2023 14:38
2023-cü ilin doqquz ayında Azərbaycan Dövlət Neft Şirkətinin (SOCAR) "Azəriqaz” İstehsalat Birliyində əhali sektoru üzrə 50 479 yeni abonent qeydiyyata alınıb. Bunu Azərbaycan Dövlət Neft Şirkətinin (SOCAR) "Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev media və QHT nümayəndələri üçün keçirilən "Açıq qapı” aksiyası zamanı bildirib.
O bildirib ki, cari ilin yanvar-sentyabrında "Azəriqaz”ın abonentlərinin ümumi sayı 2 milyon 561 min 740-a çatıb. 2 milyon 520 min 082-si əhali sektoru üzrə, 41 858-i isə qeyri-əhali sektoru üzrə abonentlərdir.
2021-ci il oktyabrın 16-da Tarif (Qiymət) Şurasının iclasında təbii qaz üzrə topdansatış və pərakəndə satış qiymətlərinin tarif tənzimlənməsinə dair qərar qəbul edilib. Qərara əsasən, əhalinin illik istehlakının 1 200 kubmetrədək olan hissəsi üçün tariflər 10 qəpikdən 12 qəpiyə artırılıb. Əhali üçün 1 200-2 500 kubmetrə qədər və 2 500 kubmetrdən çox olan hissələr üçün tariflər müvafiq olaraq 20 və 25 qəpik saxlanılıb. Qeyri-əhali kateqoriyasından sənaye və kənd təsərrüfatı sektorları üzrə qazın tarifləri 20 qəpikdən 22 qəpiyə çatdırılıb.
Aytac Zeynalova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
