Bakı Sağlamlıq Mərkəzində uşaq narkozdan komaya düşüb- İDDİA
01.03.2024 13:54
Vətəndaş Zamin Babayevin 11 yaşlı övladı Bakı Sağlamlıq Mərkəzində dişi müalicə olunarkən, yüksək dozada narkoz verilməsini əsas gətirərək uşağın komaya düşdüyünü deyir. Bu barədə o anews.az-a şikayətində bildirib.
"Uşağımın daimi dişlərindən birində problem yarandığı üçün Bakı Sağlamlıq Mərkəzində stomataloqa müraciət etdik. Müayinə zamanı bizim icazəmiz alınmadan xəstəxananın aneztezioloqu Fərəh Amanova uşağıma narkoz verib, nəticədə övladım komaya düşüb. Övladım 3 gün orda qalıb. MRT üçün Bakı Diaqnostika Mərkəzinə aparılıb. Diş həkimi Bəhruz Rüstəmov problemin onunla bağlı olmadığını deyir, bildirir ki, bu anestoloqun səhvindən baş verib. Ərizə yazıb övladımı Mərkəzi Klinik Xəstəxanaya apardım. Uşağım hazırda aparata qoşuludur. Beyninin bir hissəsi zədələnib. Artıq övladım 9 gündür komadadır və ayılmama riski var", - Zamin Babayev bildirib.
Vətəndaş bununla bağlı Baş Prokurorluğa rəsmi müraciət etdiyini söyləyir. Həmçinin vurğulayır ki, övldına narkoz verən həkim nə ortalıqda yoxdur, nə də Bakı Sağlamlıq Mərkəzi baş verən hadisəyə görə narahat deyil.
Məsələ ilə bağlı Bakı Sağlamlıq Mərkəzindən anews.az-a bildirildi ki, baş verən hadisə ilə bağlı açıqlama veriləcək.
Aytac Zeynalova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
