NAYORA tərəfindən Heydər Əliyevin anadan olmasının 101-ci ildönümünə həsr olunmuş tədbirlər keçirilib

Qeyd edək ki, NAYORA və Böyük Qayıdış Gənclər Təşkilatının birgə təşkilatçılığı ilə Azərbaycan Respublikası Milli Məclisinin üzvü Məzahir Əfəndiyev və tərəfdaş olan gənclər təşkilatlarının rəhbər və nümayəndələrinin iştirakı etdiyi "Heydər Əliyev və gənclər siyasəti” mövzusunda görüş təşkil edilib. Görüşün əsas məqsədi Ulu Öndər Heydər Əliyevin ölkə gənclər siyasətinin əsasının qoyulmasında rolu, gənclərin milli ruhda yetişdirilmələri üçün atdığı addımlar, bunları nəzərə alaraq Azərbaycan Respublikasının gəncləri qarşısında duran mühüm vəzifələrlə bağlı gənclər təşkilatlarının nümayəndələri arasında məlumatlılığın artırılmasına yönəlmişdir.

 

Xüsusi vurğulayaq ki, 10 May çərçivəsində yüzlərlə gəncin iştirakı ilə Fəxri Xiyabana ziyarət təşkil olunmuş, Ulu Öndərin məzarı önünə gül dəstələri qoyulmuşdur.

Azərbaycan xalqının tarixində böyük xilaskar kimi fəxrlə söz açdığımız, davamlı yüksəliş yolunda inamla irəliləyən müasir Azərbaycanın qurucusu olan Ulu Öndər Heydər Əliyevin xatirəsini daima hörmət və şərəf hissi ilə anır, xatirəsini uca tutur və onun şah əsəri olan güclü Azərbaycanın gəncləri olduğumuz üçün qürur duyuruq.