Bayram günlərində 47 min 306 sərnişin daşınıb - AYNA

Bayram günlərində Azərbaycanda fəaliyyət göstərən avtovağzal və avtostansiyalarda 47 min 306 sərnişin daşınıb. Bu barədə Azərbaycan Yerüstü Nəqliyyat Agentliyi (AYNA) məlumat yayıb.
 
Həmçinin bildirilib ki, ümumilikdə 1591 reys həyata keçirilib, xətlərə əlavə 200-yə yaxın avtobus buraxılıb. 
 
2024-cü ilin aprelinə qədər Bakı və Abşeronda sərnişindaşımanı həyata keçirən müntəzəm marşrut xətləri üzrə 1 824 avtobus nağdsız ödəniş sisteminə keçirilib, bu da ötən ilin eyni dövrü ilə müqayisədə 14,3% çoxdur.

2023-cü ilin aprelinədək Bakı və Abşeronda 1 596 avtobus nağdsız ödəniş sisteminə keçirilib.
 
Bakıda avtobuslarla sərnişin daşıma 5 ildə (2016-2022) 20,2% artaraq 502 milyona çatıb.

2016-cı ildə paytaxtda avtobuslarla daşınan sərnişinlərin sayı 629 milyon, 2017-ci ildə 659 milyon, 2018-ci ildə 704 milyon, 2019-cu ildə 801 milyon, 2020-ci ildə 413 milyon, 2021-ci ildə isə 444 milyon olub.
 
Martın 28-də Azərbaycanda müntəzəm sərnişindaşımalarla məşğul olan avtobuslara rəng tələbi qoyulacağı bildirilib. Nazirlər kabinetinin təsdiq etdiyi "Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitələrinin texniki göstəriciləri, daxili və xarici tərtibatına dair tələblər"də bunun iyulun 1-də qüvvəyə minəcəyi bildirilib.