Şükürbəyli kəndində binaların sökülməsinə 125 min manata yaxın pul xərclənəcək

Cəbrayılın Şükürbəyli kəndində dağılmış, sökülmüş binaların və digər söküntülər üçün 124.422,47 AZN vəsait xərclənəcək. Bu barədə tenderlərlə bağlı elan saytında məlumatda qeyd olunub. 

Prosesi "TURAN.İ.O" MMC icra edəcək. 

Şirkət 2018-ci il dövlət qeydiyyatına alınıb və nizamnamə kapitalı 10 manatdır. 

2026-cı ilə qədər Cəbrayılın Böyük Mərcanlı, Kaxulu, Sarıcallı və Maşanlı kəndlərinə ümumilikdə 3193 nəfərin köçürülməsi planlaşdırılır. 
 
2024-cü il üçün Qarabağın 5 rayonuna məcburi köçkünlərin 30 ildən sonra ilk dəfə qaytarılması nəzərdə tutulub.
 
Prezident İlham Əliyev bildirib ki, 2024-cü ilin sonuna qədər 20 min məcburi köçkün öz yurdlarına qayıdacaq. 
 
Cəbrayıl 1993-cü ildə Ermənistan Silahlı Qüvvələri tərəfindən işğal edilib, 2020-ci il sentyabrın 27-də Azərbaycan ordusunun antiterror tədbirlərindən sonra işğladan azad edilib. 

Prezident İlham Əliyev mayın 18-də Cəbrayıl rayonunun Böyük Mərcanlı, Karxulu, Sarıcallı və Maşanlı kəndlərinin təməlini qoyub.
 
Gülnar