Nazirlik orta fermer təsərrüfatlarında təşviq prosesinə başlayacaq

İqtisadiyyat Nazirliyi orta fermer təsərrüfatlarında təşviq prosesi üzərində işlər görəcək. Bunu iqtisadiyyat nazirinin müavini Səməd Bəşirli Bakıda keçirilən IV Aqrobiznesin İnkişafı Forumunda çıxışı zamanı deyib.


"2030 cu ildə istilərlə bağlı suya  tələb 16% artacaq. Quraqlığa davamlı bitkilərin yetişdirilməsi üçün addımlar atmalıyıq. Gələcəkdə daha çox suya qənaət sisteminə keçməliyik. Yeni əkin sahələrinin yaradılmasındansa mövcud əkin sahələrinə fokslanmalıyıq. Bu istiqamətdə təşviq sistemini qurmalıyıq. Bundan öncə iri fermerlər arasında bu işi bacardıq. Düşünürük ki, indi orta fermer təsərrüfatlarında bu prosesə başlayaq",- nazir müavini bildirib.

Gülnar Nazimqızı