Şəhəraltı nəqliyyatda modernləşmə: daha 4 qatar istifadəyə verilir

“AZCON Holding”ə daxil olan “Bakı Metropoliteni” QSC, sərnişin rahatlığını artırmaq məqsədilə qatar parkını daha 4 yeni nəsil qatar tərkibi (20 vaqon) ilə genişləndirib. Vaqonlar 2025-ci ildə istismar müddəti bitəcək köhnə tərkibləri əvəz edəcək.

Yeni qatarlar Bakı metrosunun relyefi və iqlim şəraitinə uyğun olaraq müasir texnologiyalarla hazırlanıb. Komplektləşdirmə və sınaq prosesi “Xocəsən” deposunda aparılır.

İlin sonunadək əlavə 10 vaqon (2 qatar) xəttə buraxılacaq. Beləliklə, 2025-ci ilin sonuna qədər yeni nəsil vaqonların sayı 180-ə (36 qatar tərkibi) çatdırılması planlaşdırılır.

Hazırda Bakı metrosunda 66 qatar tərkibi (347 vaqon) fəaliyyət göstərir ki, onların 150-si yeni nəsil vaqonlardır.

Dövlət Proqramına əsasən, 2025–2030-cu illərdə əlavə 299 yeni nəsil vaqonun alınması nəzərdə tutulur.

Gülnar