Ağdamda yanğın olan ərazidə mina partlayışları müşahidə olunur - Yenilənib

Ağdam rayonunda yanğın baş verən ərazidə mina partlayışları müşahidə olunur.

"Report"un məlumatına görə, rayonun yenidən qurulan Sarıcalı kəndinə yaxın açıq ərazidə baş verən yanğın mina və partlamamış hərbi sursatlarla çirklənən yerlərə yayılıb.

Yanğın zamanı bir neçə mina partlayışı müşahidə olunub. Partlayışlar yanğınlara operativ müdaxilə edilməsi işlərinə mane olur, alovun söndürülməsi işlərini ləngidir.

***

Ağdam rayonunun Sarıcalı kəndində açıq ərazidə yanğın baş verib.Bu barədə "Report" xəbər verir.

Yanğının söndürülməsi üçün əraziyə FHN-nin Ağdam Rayon Yanğından Mühafizə Hissəsinin 2 yanğınsöndürən maşını və şəxsi heyəti cəlb olunub.

Hazırda yanğının söndürülməsi istiqamətində işlər davam etdirilir.

Yanğının başvermə səbəbi araşdırılır.