Tərtərdə avtomobil iki piyadanı vurub, bir nəfər ölüb

Azərbaycanın Tərtər rayonunda minik avtomobilinin iki piyadanı vurması nəticəsində bir nəfər ölüb, daha bir nəfər ağır yaralanıb, APA çərşənbə axşamı bildirib.

Hadisə Bərdə-Ağdam avtomobil yolunun Hüsənli kəndindən keçən hissəsində baş verib.
APA-nın məlumatına görə, “VAZ-2107” markalı avtomobil iki qadın piyadanı vurub. Onlardan biri hadisə yerində ölüb, digəri ağır xəsarətlərlə xəstəxanaya yerləşdirilib.

Hadisə ilə bağlı araşdırma aparılır.