İki gün ərzində 86 cinayətin açılması təmin edilib

Sentyabrın 5-də və 6-da ölkə ərazisində qeydə alınan 86, əvvəlki dövrlərdən bağlı qalan 8 cinayətin açılması polis əməkdaşları tərəfindən təmin edilib. Bu barədə Daxili İşlər Nazirliyinin Mətbuat Xidmətindən bildirilib.

Keçirilən tədbirlər zamanı cinayət törətməkdə şübhəli bilinən 90 nəfər saxlanılıb.

Axtarışda olan ümumilikdə 85 nəfər, o cümlədən borclu şəxs qismində axtarılan 59 nəfər müəyyən edilərək aidiyyəti üzrə təhvil verilib.

Polis əməkdaşları tərəfindən narkotiklərlə əlaqəli 34 fakt, qanunsuz saxlanılan silah-sursatın götürülməsi və aşkarlanması ilə bağlı isə 4 fakt müəyyən edilib.

Ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarılan 12 nəfər tapılaraq aidiyyəti üzrə təhvil verilib.

Gülnar Nazimqızı