Xocalıda 16 yaşlı qızını nişanlayan ata cərimələnib

Xocalıda 16 yaşlı qızını 30 yaşlı bacısı oğlu ilə nişanlayan ata cərimələnib.

Lent.az-ın məlumatına görə, 50 yaşlı Ağasəf Rzayev (şərti ad) hüquq-mühafizə orqanlarına müraciət edərək qızının itkin düşdüyünü bildirib.

İzahatı zamanı Rzayev qızını mart ayında bacısı oğlu ilə nişanladığını deyib. Faktla bağlı onun barəsində inzibati protokol tərtib edilib.

Rzayev məhkəmədə sonradan qızının bacısı oğlu ilə evlənməsinin qohumluq səbəbindən mümkün olmadığını öyrəndiyini, əməlinə görə peşman olduğunu bildirib. O, ikinci qrup əlil olduğunu qeyd edərək daha yüngül cəza istəyib.

Məhkəmə Rzayevi 1000 manat məbləğində inzibati cərimələyib.