• $
  • €
  • ₽
  • ₺
  • £

Lerikdə 40 min sakinin istifadə etdiyi yolların asfaltlanması təklif olunur

Lerikdə 40 min sakinin istifadə etdiyi yolların asfaltlanması təklif olunur
16.11.2026 16:58

Deputat Vasif Qafarov Lerik rayonunda bir neçə kənd yolunun asfaltlanması üçün gələn ilin dövlət büdcəsindən vəsait ayrılmasını təklif edib. O bildirib ki, bu yolların yararsız vəziyyətdə olması təxminən 40 min sakinin gündəlik həyatına, təhsil və səhiyyə xidmətlərinə çıxışına, fermerlərin məhsullarını bazara çatdırmasına və turizmin inkişafına mane olur.

Deputat Noda-Əliabad-Gürdəsər-Nücü-Vamazğon, Piran-Veri, Piran-Bürsülüm, 40-cı km-Əliabad və Lerik-Mastayıl-Livədirqə-Laman avtomobil yollarının asfaltlanmasının vacibliyini vurğulayıb.

“Bu layihələrin həyata keçirilməsi qeyd olunan ərazilərdə turizmin inkişafına, yeni iqtisadi imkanların yaranmasına, dövlət büdcəsinə əlavə gəlirlərin daxil olmasına və həmin kəndlərdə yaşayan 40 min nəfərə yaxın vətəndaşın sosial-iqtisadi rifahının yüksəlməsinə mühüm töhfə verəcək”, – o bildirib.

Vasif Qafarovun sözlərinə görə, sadalanan yol layihələrinin layihə-smeta sənədləri bir neçə il əvvəl hazırlanaraq investisiya proqramına daxil edilməsi üçün İqtisadiyyat Nazirliyinə təqdim olunub. Lakin layihələrin icrası hər il növbəti illərə təxirə salınır.

Deputat hökumətə müraciət edərək yolların asfaltlanması üçün növbəti ilin dövlət büdcəsində müvafiq maliyyə vəsaitinin ayrılmasını xahiş edib.

Qafarov çıxışında Lerikdə qazlaşdırılmayan kəndlərin enerji təminatı məsələsini də qaldırıb. O bildirib ki, ölkə üzrə qazlaşdırma səviyyəsi 97 faizə çatsa da, qazlaşdırılmayan 900 kəndin 101-i Lerik rayonunun payına düşür.

Deputat qeyd edib ki, Lerik və Astara kimi dağlıq sərhəd rayonlarında qış uzun çəkir, əhali ilin 8-9 ayı istilik enerjisinə ehtiyac duyur. Təbii qazın olmaması ailələrin üzərinə əlavə maliyyə yükü qoyur, alternativ yanacaq kimi odun tədarükü isə meşə fonduna mənfi təsir göstərir.

“Əsas hədəfimiz ölkə üzrə qazlaşdırma səviyyəsini 100 faizə çatdırmaq olmalıdır. Lakin bu hədəfə nail olanadək, qazlaşdırılmayan kəndlərin əhalisi üçün alternativ güzəşt mexanizmlərinin tətbiqini vacib hesab edirəm. Bu məqsədlə təklif edirəm ki, həmin kəndlərdə yaşayan abonentlər üçün güzəştli elektrik enerjisi limitinin mövcud həddən 3 dəfə artırılması məsələsinə baxılsın”, – deputat bildirib.

O əlavə edib ki, bu addım dağ kəndlərində yaşayan ailələrin enerji xərclərini azalda və sosial təminat fərqini aradan qaldırmağa kömək edə bilər.

Gülnar NazimqızıMüəllifGülnar NazimqızıBütün xəbərləri
Telegram
Keçid et
Oxşar xəbərlər
Oxşar xəbərlər
Sabah güclü külək əsəcək - XƏBƏRDARLIQ
Cəmiyyət 16:45
Sabah güclü külək əsəcək - XƏBƏRDARLIQ
Deputat yenidən xüsusi ehtiyaclı uşaqların reabilitasiyası məsələsini qaldırıb
Cəmiyyət 16:44
Deputat yenidən xüsusi ehtiyaclı uşaqların reabilitasiyası məsələsini qaldırıb
Özəl xəstəxanalarda müalicə xərclərinin bir hissəsini dövlət ödəyə bilər - deputat
Cəmiyyət 16:36
Özəl xəstəxanalarda müalicə xərclərinin bir hissəsini dövlət ödəyə bilər - deputat
Bakıda bal yarmarkasının tarixi və yeri dəyişdirilib
Cəmiyyət 16:12
Bakıda bal yarmarkasının tarixi və yeri dəyişdirilib
537 nömrəli marşrutun hərəkət sxemi müvəqqəti dəyişdirilib
Cəmiyyət 16:08
537 nömrəli marşrutun hərəkət sxemi müvəqqəti dəyişdirilib
Bakıda restoran yanır
Cəmiyyət 15:42
Bakıda restoran yanır
Mediayaya ayrılan vəsaiti artırmaq lazımdır - təklif- VİDEO
Cəmiyyət 15:37
Mediayaya ayrılan vəsaiti artırmaq lazımdır - təklif- VİDEO
Rus bölməsində təhsil alan şagirdlərin xərclərini niyə dövlət ödəyir? - deputat- VİDEO
Cəmiyyət 15:22
Rus bölməsində təhsil alan şagirdlərin xərclərini niyə dövlət ödəyir? - deputat- VİDEO
“Təbriz” MTK  172 vətəndaşa 14 milyon manatlıq zərər vurub
Cəmiyyət 14:34
“Təbriz” MTK 172 vətəndaşa 14 milyon manatlıq zərər vurub
Anews TV

Rəsmi Youtube kanalımız

Abunə ol