Elman Rüstəmov: "Əhalinin əmanətlərindən gəlir vergisi tutulmayacaq"

 

Bu ilin fevralın 1-dən etibarən əhalinin əmanətlərindən gəlir vergisi tutulmayacaq.

 

"APA-Economics"in məlumatına görə, bunu Milli Məclisin İqtisadi siyasət, sənaye və sahibkarlıq komitəsi və hüquq siyasəti komitəsinin birgə iclasında Mərkəzi Banklın İdarə Heyətinin sədri Elman Rüstəmov deyib.

 

E. Rüstəmov bildirib ki, indiki dövrdə əhalinin əmanətləri əhalinin ən mühüm qazanc mənbələrindən biridir: "Statistikaya görə, Azərbaycan əhalisi il ərzində əmanətlərdən 500 milyon əldə edir və "Əmanətlərin sığortalanması haqqında” Qanuna dəyişiklik edilməsi barədə qanun layihəsinin qəbulundan sonra əhalinin əmanətlərdən gəliri daha da sabitləşəcək. Bildiyiniz kimi, əhalinin əmanətlərindən vergi tutulması məsələsi güzəşti 2015-ci ilə qədər qüvvədə idi. 2015-ci ildə bu güzəşt ləğv olunub və artıq bu güzəşt yenidən tətbiq olunmağa başlayacaq. Bu da rezident və qeyri-rezident əmanətçiləri əhatə edəcək. İlkin rəqəmlərə görə, bütövlükdə 9,5 milyard manat əhalinin əmanəti var və bu əmanətdən onlar 93 milyon manat gəlir əldə edirlər. Güzəştin tətbiqi 93 milyon manat gəlirin əmanətçilərin sərəncamında qalmasına imkan verəcək. Bu vəsait dövlət büdcəsi hesabına əhaliyə geri qaytarılacaq".