Rusiyadan neftin qiymətlərinə təsir edəcək AÇIQLAMA

Rusiya lazım olan vaxtda hasilatı dondura bilər, bu mövzuda danışıqlara başlamaq üçün qapılarımız hələ də açıqdır”.

Oxu.Az xəbər verir ki, bu barədə Səudiyyə Ərəbistanı qəzeti olan "Asharq al-Awsat”a açıqlamasında Rusiyanın energetika naziri Aleksandr Novak deyib.

Nazir sözlərinə əlavə edib ki, neft bazarında sabitlik ancaq 2017-ci ildə mümkün olacaq.

"Səudiyyə Ərəbistanı ilə ikitərəfli görüşlərimiz konkret bir şəkildə davam edir”, - deyə A.Novak bildirib. 

Böyük neft istehsalçıları sentyabrın 26-28-də qeyri-rəsmi bir formatda Əlcəzairdə keçirilən Beynəlxalq Enerji Formu çərçivəsində bir araya gələcək və neft bazarında mövcud olan vəziyyəti müzakirə edəcəklər.