Dollar dörd həftəlik minimumu yeniləyib

 

"APA-Economics" "Reuters" agentliyinə istinadən xəbər verir ki, ticarət sessiyası ərzində dollar 100,10 yen səviyyəsinə çatıb. Bu isə avqust ayının 26-dan etibarən minimum göstəricidir. Daha sonra itkilərini bir qədər bərpa etməyi bacaran dollar hazırda 100,22 yen səviyyəsində qərarlaşıb.

 

Avro isə 0,1% bahalaşaraq 1,1199 dollar səviyyəsində qərarlaşıb.

 

Analitiklər FED-in ikigünlük iclasından sonra dərc olunan protokoldakı bəzi maraqlı məqamlara diqqət yetirir. Məsələn, belə məqamlardan biri ilin sonunadək uçot dərəcəsinin 2 deyil, 1 dəfə artırılacağıdır. Buna FED rəhbəri Canet Yellen də işarə edib. Ekspertlər qeyd edir ki, qarşıdakı azı 3 ildə aqressiv şəkildə faiz artımını gözləməyə dəyməz. Bu fonda dollar bir qədər də zəifləyəcəyi proqnozlaşdırılır.