"Trampın siyasəti neftin qiymətini artırmayacaq" - EKSPERT
23.01.2017 11:13
"Trampın mühafizəkar siyasəti "qara qızılın” qiymətində kəskin artımlara imkan verməycək. ABŞ prezindenti seçkiqabağı kampaniyada neft idxalı ilə bağlı vədlərinə sadıq qalarsa, o zaman hətta neftin dünya bazar qiymətində kəskin enişlər də mümkündür".
Bunu iqtisadçı-ekspert Vüqar Bayramov Trampın yeni iqtisadi və siyasətini şərh edərkən deyib.
Ekspert həmçinin yeni prezidentin gəlişindən sonra dolların məzənnəsində nə kimi dəyişikliklər ola biləcəyindən də danışıb:
"Dolların aparıcı valyutalara, xüsusən də avroya qarışı məzənnəsində psixoloji səbəbələrdən müəyyən enişlər mümkün görünsə də, ABŞ pulunun kəskin ucuzlaşması gündəmdə deyil. Bu isə o deməkdir ki, dünya bazarında dolların dəyərsizləşməsinə ümid etmək sadəlövhlük olardı".
"Bütövlükdə, okeanın digər tərəfindəki reallıqları nəzərə alsaq, ABŞ-ın yeni prezidentinin daxili və xarici iqtisadi siyasətdə ciddi dəyişikliklər edəcəyi inandırıcı deyil. Bununla belə, güman edilir ki, ABŞ-ın xarici iqtisadi siyasətində potensial dəyişikliklər Çin və Latın Amerikası ölkələrilə bağlı ola bilər. Beləcə, Vaşinqton Tramp üçün deyil, Tramp Vaşinqton üçün işləyəcək", - deyə V.Bayramov əlavə edib.
Şəbnəm Cavadzadə
Instagram
Bizi Instagramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
