"Xalqlar Dostluğu" stansiyasının keçidlərində təmir

REPORT.AZ/ Bakıda metronun "Xalqlar Dostluğu" stansiyasının hər iki keçidində təmir işlərinə başlanılıb.

Bunu "Report"a açıqlamasında "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib.

"Ötən gündən etibarən metronun "Xalqlar Dostluğu" stansiyasının hər iki keçidində təmirə başlanılıb. Keçidin divar və yerdəki mərmər üzlükləri dəyişdiriləcək. Bundan başqa, keçiddəki bütün kommunikasiya xətləri də yenilənəcək", - deyə N.Paşayev əlavə edib.

Onun sözlərinə görə, təmir işlərinin aparıldığı hissələr bağlanıb, lakin sərnişinlərin giriş və çıxışına heç bir məhdudiyyət qoyulmayıb. Təmir işləri təxminən 2-3 ay davam edəcək.