Azərbaycanda ərzaq və buğda problemi yoxdur - Baş nazir

Hazırda Azərbaycanda ərzaq ehtiyacı ilə buğda ilə bağlı heç bir problem yoxdur. Bunu Parlamentin bu gün keçirilən iclasında baş nazir Əli Əsədov deyib.

"Bu istiqamətdə hökumət işlər görür. Sahibkarlara subsidiyların verilməsi, gömrük,vergi güzəştləri edilir. Əsas ərzaq ehtiyatlarının yaradılması üzrə də işlər görülür. 90 günlük mal ehtiyatları yaradılıb”, - baş nazir bildirib.

Dövlət ehtiyatları agentliyinin sədr müavini Hidayət Əzimov dekabrın 1-də mətbuata açıqlamasında bildirib ki, hazırda Azərbaycanda 4 aylıq taxıl ehtiyatı mövcuddur.

"Taxıl ehtiyatı barədə danışarkən ərzaqlıq buğdadan söhbət gedir.  2023-cü ilin iyulunda ərzaqlıq buğda ilə bağlı bir neçə qurum müvafiq tədbir görüb. Növbəti addım onun tədarükünü təmin etmək oldu.  Həm yerli istehsalçılar, həm də xarici taxıl tədarükçüləri ilə bağlanmış müqavilələr əsasında tazılın alınması prosesinə başlanıb. Hazırda  bazar üzrə 4 aylıq taxıl ehtiyatı mövcuddur",  - Əzimov deyib.

Azərbaycanda taxıl əsasən Şəki, Beyləqan, Ağcabədi, Ağstafa və Tovus bölgəsində yetişdirilir. 2023-vü ildə artıq Qarabağın Ermənistan işğalından azad edilən ərazilərində də ildə 100 ton buğda əldə ediləcəyi gözlənilir. 
 



www.anews.az