Azərbaycanda avtomobil benzininin istehsalı artıb- Statistika

Bu ilin yanvar- mayında Azərbaycanda neft məhsullarının istehsalı sahəsində istehsalın ümumi dəyəri 1 milyard 759,4 milyon manat olub, bu da ötən ilin müvafiq dövrü ilə müqayisədə 25,4 faiz demekdir. Bu barədə Dövlət Statistika Komitəsindən məlumat verilib.

Azərbaycan hökuməti 2023-cü ildə avtomobil benzininin istehsalını 1 milyon 444 min ton, dizel yanacağının isə 2 milyon 533  min ton səviyyəsində proqnozlaşdırır. Bu barədə Maliyyə və İqtisadiyyat Nazirliyinin hazırladığı 2023-cü il üçün dövlət büdcəsi barədə sənəddə bildirilir.

2024-cü ildə ölkədə benzin istehsalı 1 milyon 519,6 min tona, 2025-ci ildə 1 milyon 535,6 min tona, 2026-cı ildə 1 milyon 551,6 min tona qədər artacaq. Beləliklə, 2023-2026-cı illərdə benzin istehsalı 7,5% artacaq.

2024-cü ildə Azərbaycanda dizel yanacağının istehsalı 2 milyon 542,6 min ton, 2025-ci ildə 2 milyon 536,5 min ton, 2026-cı ildə 2 milyon 535,6 min ton həcmində  proqnozlaşdırılır ki, bu  2023-2026-cı illərdə ölkədə dizel yanacağı istehsalının 0,1% artacağı deməkdir. 


www.anews.az