Azərbaycan gəmiqayırma zavodu tikmək niyyətindədir
11.07.2023 20:30
2023-cü ilin birinci yarısında Azərbaycanın xarici ticarət profisiti 10 milyard dollara yaxın olub. Bunu Azərbaycan Respublikasının prezidenti İlham Əliyev bildirib.
"Azərbaycanın xarici ticarət saldosu müsbətdir, onun müsbət saldosu çox yüksək səviyyədədir, haradasa 10 milyard dollar civarındadır", - çərşənbə axşamı Əliyev ilin birinci yarısının sosial-iqtisadi inkişafının yekunlarına həsr olunmuş müşavirədə bildirib.
"Əgər bu templər qorunub saxlanılsa, onda təsəvvür edin ki, ilin sonuna kimi biz hansı göstəricilərə nail olacağıq və təbii ki, bu, makroiqtisadi sabitliyin təmin olunmasına birbaşa təsir göstərəcək”, - İlham Əliyev bildirib.
O, həmçinin ölkənin gəmiqayırma potensialının artırılmasını zəruri hesab etdiyini də deyib.
"Biz Xəzərdə gəmiqayırma imkanlarımızı nəzərdən keçirməliyik, çünki qonşu ölkələrdən sifarişlər gəlir. Bizim gəmiqayırma zavodumuz hazırkı ixrac imkanlarımıza uyğun idi. Uzun illər üzən gəmilərin istismardan çıxarılmasını da nəzərə alırıq. Çünki onlar köhnəlir və yenilənməlidirlər”, - Əliyev bildirib.
Dövlət başçısı qeyd edib ki, bu gün həm ölkədə, həm də qonşu ölkələrdə tələbat daha da böyükdür. "Beləliklə, ola bilsin ki, nə vaxtsa biz gəmiqayırma zavodunun istehsal sahələrini işə sala və genişləndirə bilək", - prezident bildirib.
Əliyev xaricdən gələn sifarişləri çox müsbət hal kimi qiymətləndirib.
"Bu, onu göstərir ki, biz hər şeyi vaxtında görürük”, - Prezident qeyd edib.
N.Təbrizli
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 15:31
Azercell-in “Oflayn Qadınlar” layihəsi iki beynəlxalq festivalda beş mükafat qazanıb
Foto
Video
