"Azərişıq" ASC-nin Qarabağda olan abonentlərinin sayı açıqlanıb

Qarabağın işğaldan azad edilmiş ərazilərində "Azərişıq"  ASC-nin 932 abonenti var. Onlardan 387-i əhali, 279-u isə  qeyri-əhali qrupuna aid abonentlərdir. Bunu  Azərişıq ASC-nin Tədris və İnnovasiyalar Mərkəzinin direktoru Araz Məmədzadə bildirib. 

 

Onun sözlərinə görə, "Azərişıq"-ın  hazırda Şuşada - 332, Xocavənddə - 148, Cəbrayılda - 61, Zəngilanda - 117, Qubadlıda - 104, Laçında - 82, Kəlbəcərdə - 88 abonenti var.

"Azərişıq” ASC-nin Qarabağ Regional Elektrik Şəbəkəsinin rəisi Canəhməd Əhmədov anews.az-a açıqlamasında bildirib ki, hazırda Qarabağa köçürülən Azərbaycan vətəndaşları bu siyahıya daxil deyil. Çünki indiki mərhələdə onların ödənişləri dövlət tərəfindən ödənilir.

 

Siyahıda olan abonentlər Qarabağda yaşayan və işləyən şəxslərdir.