Gələn il üçün xarici yardımlar azaldılır

2024-cü ildə Azərbaycanda dövlət büdcəsi xərclərinin 80 milyon manatı xarici yardımların payına düşəcək. Bu da, 2023-cü ilin təsdiq olunmuş proqnozu ilə müqayisədə 29,5 % azdır. Bu barədə Maliyyə Nazirliyi məlumat verib.

Xarici yardımlarla bağlı xərcləri ümumi dövlət xidməti xərclərinin 1,7 %-ni təşkil edəcək.

2024-cü ildə Azərbaycanda dövlət büdcəsi xərclərinin 523,9 milyon manatı məqsədli büdcə fondlarına ayırmaların payına düşəcək, bu da ötən ilin təsdiq olunmuş proqnozu ilə müqayisədə 44,3 % çoxdur.

 

2022-ci il dövlət büdcəsinin gəlirləri 29 197 800,0 min manat, xərcləri 32 303 800,0 min manat (o cümlədən, mərkəzləşdirilmiş gəlirləri 28 167 624,0 min manat, yerli gəlirləri 1 030 176,0 min manat, mərkəzləşdirilmiş xərcləri 31 233 684,0 min manat, yerli xərcləri 1 070 116,0 min manat) məbləğində təsdiq edilib.
 
Dövlət büdcəsinin gəlirlərinin ÜDM-də xüsusi çəkisi 22,9% olub.