Növbəti ildən AÇG-dən bu qədər neft hasil olunacaq
08.12.2023 12:40
2024-cü ildə "Azəri-Çıraq-Günəşli” yataqları blokundan (AÇG) xam neft hasilatının həcmi 125,9 milyon barel olması proqnozlaşdırılır ki, bu da cari ilin proqnoz göstəricisinə nisbətən 7,7 milyon barel və ya 5,76% azdır. Bu barədə Hesablama Palatasının Azərbaycan Respublikası Dövlət Neft Fondunun 2024-cü ilin büdcəsinə verdiyi rəydə bildirilib.
Cari ildə bu göstərici 133,6 milyon barel səviyyəsində proqnozlaşdırılıb.
AÇG üzrə son illərin proqnoz göstəricilərinə nəzər saldıqda 2015-ci il hasilat proqnozu ilə 2024-cü ilin hasilat proqnozu arasında təqribən 106,1 milyon barel və ya 45,7% azalma müşahidə edilib.
AÇG blokundan neft və səmt qazının hasilatı 1997-ci ilin noyabrında başlayıb. Hazırda Böyük Britaniyanın BP (layihə operatoru) 30,37%, SOCAR (25%), Macarıstanın MOL (9,57%), Amerikanın ExxonMobil (6,79%), Hindistanın ONGC Videsh (2,31%), Yaponiyanın Inpex Corp. (9,31%) və ITOCHU Oil (3,65%), Norwegian Equinor (7,27%), Türkiyənin TPAO (5,73%) layihənin səhmdarlarıdır.
"Azəri”, "Çıraq” və "Günəşli”nin dərinsulu yataqlarının işlənməsi üzrə müqavilə 1994-cü ildə imzalanıb.
2022-ci ildə AÇG yataqlar blokunda təxminən 152 milyon barel (20 milyon ton) hasil edilib. Bu müqavilə sahəsindən 2022-ci ildə barellə neft hasilatı 9% azalıb. İstehsal 6 platformadan həyata keçirilir.
"Azəri”, "Çıraq” və "Günəşli”nin dərinsulu yataqlarının işlənməsi üzrə müqavilə 1994-cü ildə imzalanıb.
2022-ci ildə AÇG yataqlar blokunda təxminən 152 milyon barel (20 milyon ton) hasil edilib. Bu müqavilə sahəsindən 2022-ci ildə barellə neft hasilatı 9% azalıb. İstehsal 6 platformadan həyata keçirilir.
Aytac Zeynalova
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
