On bir ayda qeyri neft-qaz məhsulunun istehsalı 8% artıb

 

Hesabat dövründə neft-qaz sektorunda isə məhsul istehsalı 1,9 faiz azalıb. 

Cari ilin on bir ayında  sənaye müəssisələri və bu sahədə fəaliyyət göstərən fərdi sahibkarlar tərəfindən istehsal olunmuş malların və göstərilmiş xidmətlərin həcmi 1,0% azalaraq 60,8 milyard manat təşkil edib.

 

Sənaye məhsulunun 67,9%-i mədənçıxarma, 26,8%-i emal, 4,5%-i elektrik enerjisi, qaz və buxar istehsalı, bölüşdürülməsi və təchizatı, 0,8%-i isə su təchizatı, tullantıların təmizlənməsi və emalı sektorlarında istehsal olunub.

Sənayedə qeyri-dövlət sektorunun payı 84,8% olub.  Ümumi istehsalın 91,3%-i sənaye məhsullarının istehsalı, 8,7%-i isə sənaye xarakterli xidmətlərin göstərilməsi hesabına yaradılıb. 

 

Cari ilin  yanvar-oktyabrında Azərbaycanda neft-qaz sektorunda məhsul istehsalı 2,4 % azalıb, qeyri neft-qaz sektorunda isə 7,4 % artıb.