Kapital Bank-dan yeni “Məktəbli sığortası”: övladlarınızın təhlükəsizliyi təmin edilir

Ölkənin birinci bankı Kapital Bank "Meqa Sığorta” şirkəti ilə birgə əməkdaşlıq çərçivəsində sığorta xidmətləri sahəsində daha bir yenilik təqdim edir – "Məktəbli sığortası”. Bu yeni sığorta xidməti sayəsində valideynlər övladlarının sağlamlığını təminat altına ala biləcəklər.

"Məktəbli sığortası” xidmətinin əsas özəlliyi şagirdlərlə bağlı həm bütün ölkə ərazisində, həm də onların təhsil məqsədilə ölkə xaricində olduğu müddətdə təhsil müəssisələrinin daxili və həyətyanı sahələrində baş verə biləcək xoşagəlməz hallar zamanı tam şəkildə rahatlığını təmin etmək və onlara dəymiş ziyanın qarşılanmasıdır. 5-17 yaş arası məktəbliləri əhatə edən bu sığorta xidməti baş vermiş hadisənin nəticələrindən asılı olaraq maksimum 5 000 AZN-dək sığorta məbləği təmin edir. Sığortanın müddəti isə 12 aydır.

"Məktəbli sığortası” xidmətindən yararlanmaq və ətraflı məlumat üçün: https://kbl.az/ms