Ötən il Gürcüstandan Azərbaycana bal ixracı azalıb

2024-cü ildə Gürcüstan Azərbaycana 63,2 min ABŞ dolları dəyərində bal ixrac edib, bu da 2023-cü illə müqayisədə 69,4% azdır. Bu barədə Gürcüstanın "Bm.ge" nəşri yazıb.

 

Ötən il 33,8 ton bal ixrac edilib.

Nəşrin məlumatına görə, 2024-cü ildə Gürcüstanın bal ixracının ümumi həcmi kəskin şəkildə azalıb.

 

Prezident İlham Əliyevin 27 iyun 2019-cu il tarixli fərmanı ilə təsdiqlənmiş "Kənd təsərrüfatı məhsullarının subsidiyalaşdırılması qaydası”na əsasən arıçılıqla məşğul olan fermerlərə saxladıqları hər arı ailəsinə görə 10 manat məbləğində subsidiya müəyyən edilib ki, bu da arıçılığın inkişafını stimullaşdırıb, kənd yerlərində kiçik sahibkarlığın dəstəklənməsi və məşğulluğun təmin edilməsinə şərait yaradıb, bu sahədəki potensialdan istifadə imkanlarını genişləndirib. 

 

2018-ci illə müqayisədə 2022-ci ildə arı ailələrinin sayı 1,3 dəfə, bal istehsalı isə 1,5 dəfə artıb. Ümumiyyətlə, "Arıçılıq haqqında” qanunun qəbul edildiyi dövrdən sonrakı 14 ildə bal istehsalı 5,3 dəfə, arı ailələrinin sayı 4,6 dəfə artıb, arıçılıqla məşğul olan təsərrüfatların hər birinə orta hesabla düşən arı ailələrinin sayı isə 11,1-dən 19,9-ə yüksəlib.