ABB bizneslərin AMEX kartları ilə ödəniş imkanlarını genişləndirdi!

Ölkəmizdə American Express (AMEX) kartları vasitəsilə ödənişlərin qəbulu imkanları genişlənib. AMEX-in Azərbaycanda ilk və yeganə tərəfdaşı olan ABB ödəniş təşkilatı funksiyasını yerinə yetirən finteklərlə əməkdaşlıq edərək onlara da bu imkanı yaradıb. 

Artıq belə fintek şirkətlərindən biri - “YIĞIM Payment System” ABB vasitəsilə AMEX kartlarından ödəniş qəbulu imkanını bizneslərə təqdim etməyə başlayıb. Belə ödəniş təşkilatlarının xidmət sisteminə qoşulmuş bizneslər elektron ödənişlərində AMEX kartları ilə ödənişləri də qəbul edə bilərlər. 

Hazırda “Hilton Baku”, “Hilton Garden Inn”, “Fairmont”, “FlyInn Baku”, “RiverInn”, “ChenotPalace”, “LandMark”, “Macera Sheki” otellərində, “Easytrip”-də (Hertz) AMEX kartları ilə ödənişlər mümkündür. Tezliklə “BoltTaxi”, “Bolt Food”, “Wolt”, “Uber”, “Yango”, “WindzScooter” və digər bizneslərdə də bu kartlarla ödənişlər mümkün olacaq.

ABB-nin yaratdığı bu imkan ABŞ və AMEX kartlarının geniş yayıldığı digər ölkələrdən olan müştərilərə ölkəmizdə rahat şəkildə xidmət göstərilməsini asanlaşdıracaq. 

AMEX kartları vasitəsilə elektron ödənişlərin qəbulu Azərbaycandakı bizneslər üçün böyük imkanlar açır. Xüsusilə ABŞ-dan və AMEX kartlarının geniş yayıldığı digər ölkələrdən olan turistləri cəlb etmək üçün yeni fürsətlər yaradır. Turistlər və işgüzar insanlar AMEX kartlarından otellərdə, başqa xidmət və ticarət məkanlarında geniş istifadə edirlər. Bu isə bizneslərə yeni müştərilərin cəlbi deməkdir.

AMEX kartları ilə ödənişlərin qəbulu xarici müştərilər və tərəfdaşlar üçün biznesin cəlbediciliyini əhəmiyyətli dərəcədə artırır, beynəlxalq çevrədə şirkətin imicini gücləndirir. Beləliklə, ABB yeni inteqrasiyalar, tərəfdaşlıqlar hesabına bizneslər üçün daim yeni imkanlar yaratmaqdadır. Bu yeni imkandan faydalanmaq istəyən finteklər ABB-yə müraciət edə bilərlər.

ABB-nin müasir, faydalı, universal məhsul və xidmətləri barədə məlumatları Bankın filial və şöbələrindən, //abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.