Azərbaycanda 12 regional maliyyə idarəsi yaradılıb

Azərbaycan Maliyyə Nazirliyi rayon və şəhər maliyyə idarələrini ləğv edərək onların bazasında 12 regional maliyyə idarəsi yaradıb. Bu barədə nazirlik məlumat verib.

Bu addım yerli bölmələrin fəaliyyətinin təkmilləşdirilməsi və optimal idarəetmə modelinin tətbiqi məqsədilə atılıb.

Yeni struktur iqtisadi rayonların yenidən bölgüsünə əsaslanır və aşağıdakı regional idarələri əhatə edir.

 Bura Abşeron-Xızı, Dağlıq Şirvan, Gəncə-Daşkəsən, Qarabağ, Qazax-Tovuz, Quba-Xaçmaz, Lənkəran-Astara, Mərkəzi Aran, Mil-Muğan, Şəki-Zaqatala, Şərqi Zəngəzur və Şirvan-Salyan regionları daxildir.

N.Təbrizli