Serbiya Azərbaycan qazının idxalını artırmaq istəyir

Serbiya Rumıniya və Şimali Makedoniyanın qaz nəqli sistemlərinə qoşulmaq və Bolqarıstan vasitəsilə Cənub Qaz Dəhlizinə çıxış əldə etmək imkanlarını nəzərdən keçirir. Bu barədə Serbiya Mədən və Energetika Nazirliyinin Neft və Qaz məsələləri üzrə köməkçisi Saşa Kokoviç məlumat verib. 

Kokoviç qeyd edib ki, Belqrad bu layihənin həyata keçirilməsində Avropa Komissiyasının dəstəyinə ümid edir.

“Ümid edirik ki, SOCAR ilə birlikdə tədarük həcmləri və nəqletmə qabiliyyəti üzrə optimal həllər tapacağıq. Azərbaycanın potensialını nəzərə alaraq, Bolqarıstan sərhədində yerləşən Kalotina bölgəsindəki yeni interkonnektor vasitəsilə daha çox Azərbaycan qazı ala biləcəyimizi gözləyirik”, — o bildirib.

Onun sözlərinə görə, Serbiyanın illik qaz tələbatı 3 milyard kubmetrdir və Belqrad bu tələbatın 400 milyon kubmetrdən çoxunu Azərbaycandan almağı planlaşdırır.

N.Təbrizli