Prezident İlham Əliyev bp-nin baş icraçı direktorunu qəbul edib

Azərbaycan Prezidenti İlham Əliyev bp şirkətinin baş icraçı direktoru Mürrey Aukinklossu qəbul edib. Bu barədə Prezidentin Mətbuat Xidməti məlumat yayıb.

Görüşdə Azərbaycan ilə bp arasında uzunmüddətli və uğurlu əməkdaşlıqdan məmnunluq ifadə olunub.

Enerji resurslarından əldə olunan gəlirlərin Azərbaycanın sosial-iqtisadi inkişafına yönəldilməsi xüsusi vurğulanıb.

Prezident Əliyev Azərbaycanın Avropanın enerji təhlükəsizliyinin təmin olunmasında mühüm rol oynadığını bildirib.

O, həmçinin qeyd edib ki, karbohidrogen ehtiyatları ilə yanaşı, ölkədə bərpaolunan enerji sahəsində də böyük potensial mövcuddur.

Tərəflər işğaldan azad edilmiş ərazilərdə bp tərəfindən həyata keçirilən layihələrin əhəmiyyətini müzakirə edib, SOCAR və bp arasında gələcək əməkdaşlıq perspektivləri barədə fikir mübadiləsi aparıblar.

N.Təbrizli