ADY sərnişin qatarlarında dinamik qiymət siyasətinə aydınlıq gətirib

“Azərbaycan Dəmir Yolları” QSC (ADY) ölkədaxili sərnişin qatarlarında bilet qiymətlərinin dinamik tarif modeli əsasında müəyyən edildiyini bildirib.

"Report"un sorğusuna cavab olaraq qurumdan bildirilib ki, qiymətlər alış tarixi, həftənin günü, bayram günləri və oturacaq sinfinə görə dəyişir.

2024-cü ilin noyabrından tətbiq edilən sistemə əsasən, daha əvvəl alınan biletlərə endirim tətbiq olunur. Bu  səfərə 30–25 gün qalmış alınan biletlərə bu xüsusi şamil edilir. 

Məsələn, Bakı–Qazax marşrutu üzrə standart sinif bileti 16,20 manatdan, biznes sinif 39,90 manatdan, birinci sinif isə 101,7 manatdan başlayır.

ADY həmçinin birinci sinif sərnişinlər üçün VIP-zal, ödənişsiz yemək və əlavə xidmətlər təqdim edir. Bu xidmətlərə limitsiz isti içkilər, rahat gözləmə zonaları və baqaj müşayiəti daxildir.